ඔයා උත්තර දෙන්න ඕන වෙන අය කියන කතාවලට නෙවෙයි, ඔයාගෙම හෘද සාක්ෂියට

ජිවිතේ සමහර තැන්වලදී අපි නොකළ දේ වෙනුවෙන් උත්තර දෙන්න වෙනවා. අපි හිතන්නෙවත් නැති වෙලාවක සමහරු අපිට නොකළ වරදකට චෝදනා කරනකොට අපිට දැනෙන වේදනාව කොච්චරද කියලා මම අමුතුවෙන් කියන්න ඕනේ නෑ. එතකොට සමාජයේ අය තමන් දිහා බලන විදිය පවා අමුතුයි කියලා ඒ වගේ සිදුවීමකට මුහුණ දුන්න කෙනෙකුට හිතෙන්න පුළුවන්. අද අපි මේ වගේ සිදුවීමක් ගැන කතා කරන්න හිතුවා.
 
"මම පෞද්ගලික ආයතනයක සේවය කරන කෙනෙක්. පහුගිය දවසක අපේ ආයතනයේ වෙච්ච මුල්‍ය අක්‍රමිකතාවකට මාව සැක කරලා පරීක්ෂණයක් පවත්වලා මම නිවැරදිකාරය වුනා. මම එහෙම දෙයක් කලේ නෑ කියලා මම දන්නවා. මම පරීක්ෂණයෙන් වැරදි නෑ කියලා ඔප්පු වුනත් මම වැඩකරන තැන අය මගේ දිහා බලන්නේ වැරදි විදියට. මම මොකද්ද කරන්නේ" කියලා කෙනෙක් අද අපට කතා කළා.
 
ඇත්තටම උසාවියක වුනත් නඩුවේ තීන්දුව දීලා වැරදි කාරයෙක් කරනකන් ඔහු චුදිතයෙක් පමණයි. වැරදිකාරයකු නොකර රදවා ගෙන ඉන්න කෙනා රැදවියෙක් පමණයි, නැතුව ඔහු සිරකරුවෙක් නොවේ. ඉතින් මේ යාළුවට කියන්න තියෙන්නේ ඔබ දැන් පරීක්ෂණයකින් වැරදිකරුවකු නොවන බව ඔප්පු වෙලා තිබෙද්දිත් ඔබ කනස්සල්ලට ලක්වෙන එක තේරුමක් නෑ. පිට මිනිස්සු අපි ගැන තැන තැන කියන කතා කිසිදිනක නතරවෙන්නේ නෑ. අපි කලිනුත් කියලා තියනවා මේ කාරණය. ඔබ උත්තර දෙන්න ඕන වෙන අය කියන කතාවලට නෙවේ ඔබේ හෘද සාක්ෂියට. කවුරුන් ඔබ ගැන මොන තක්සේරුව දුන්නත් ඔබ නිවැරදි බව ඔබ දන්නවනම් ස්භාවදහම කිසිදිනක සත්‍ය යන්නට ඉඩ තබන්නේ නෑ. ඒ නිසා මේ විශ්වයේ නිතිය ගැන විශ්වාස කරන්න.
 
අනිත් කාරණය සමහර විට ඔබට හිතුනට ඔබේ ආයතනයේ පිරිස ඔබ ගැන වැරදි චිත්‍රයක් මවාගෙන ඇති කියලා, ඇත්ත කාරණය එසේ නොවන්නට පුළුවන්. ඒ නිසා කිසි දෙයක් ගණන් නොගෙන සුපුරුදු පරිදි ඔයාගේ වැඩ ටික යන්න. ඔබේ හැසිරීම අමුතුවනවිට, කෙනෙක් ඔබ ගැන වැරදි අදහසක සිටිනවානම්, ඔබේ හැසිරීම ඔහුගේ අදහස තහවුරු කරන්නක් වෙන්න පුළුවන්. ඒ නිසා තමන් නිවැරදි බව කාටත් වඩා ඔබේ හෘද සාක්ෂිය දනීනම් ඔබේ පෞර්ෂය පෙරදා වගේම තබාගෙන වැඩ කරන්න. ඔබට නොදැනීම බොහෝ දේ ඉක්මනටම යතා තත්වයට පත්වේවි.
 
අනෙක් අය වෙනස් වෙලා, අමුතුවෙලා යන චෝදනාව නගන්නට පෙර ඔබ වෙනස්වෙලාද අමුතුවෙලාද යන්න හොදින් සොයා බලන්න. විටෙක ඔවුන් ඔබට සාමාන්‍ය ලෙස සැලකුවද ඔබේ හැසිරීම අසාමාන්‍ය නම් ඔබට මේ වැනි හැගීමක් ඇතිවිය හැකියි. මදක් හිතන පතන විදිය වෙනස් කරන්න හැමදේම වෙනස් වෙයි. එහෙම හිතල වැඩ කරනවානම් අද වුනත් එයට කදිම දවසක්. මොකද අද හොදම දවස 
 
මම හැමදාම ඔයාගේ දුකට සැපට ඔයත් එක්ක ඉන්න මිහිත චතුරංග 
 


විභාගයේදී කලබල වෙන්න එපා

මේ දවස්වල ප්‍රධාන පෙලේ විභාග 02 ක් තියෙනවා. කොටින්ම මේ විභාග සමයක් කිවුවොත් නිවැරදියි. මේ දවස්වල අ.පො.ස. උසස්පෙළ විභාගය..

විශ්වාසය කඩකරගන්න එපා

විශ්වාසා පරමා ඥාති බුදුන්වහන්සේ කියන්නේ එහෙමයි. විශ්වාසය තමයි හොදම නෑදෑය කියන ඒක තමයි ඒකෙ තේරුම..

පොඩි අයට උගන්වන්න මෙන්න මෙහෙම

පුංචි දරුවන්ට කවන පොවන එක වගේම එයාලට වුගන්වන්න පොතේ පතේ වැඩ කරන්න අම්මලා දගලන තරම ඉතින් අපි..

තරු පොඩියට පෙනුනට ඇත්තටම තරු පොඩි නෑ

ඉගෙන ගන්න එක ගොඩක් ආසාවෙන් කරන තරමට තමයි ඒක හරියට පත්තියන් වෙන්නේ. ඇත්තටම කෑමක් කෑවත් ඒක ඇගට අල්ලන්නේ එය..

වැරදි කිරීම මනුෂ්‍ය ගතියක්, සමාව දීම දේව ගතියක්.

මිනිසා කියන්නේ ගොඩක් සමාජ ශීලි සත්වයෙක්. ඒ නිසාම ආදරය කරුණාව, දයාව වගේ තැන මිනිසා කියන සත්වය නතර වෙන්න දක්වන්නේ..

දිවිය හැරගිය ඔයාගේ ජිවිතේ වටිනා කියන අයට නියම වටිනාකම දෙන්න

ජිවිතේ නිතරම සුව පහසු තැනක් නෙවේ. උස්පහත් වීම් හැලහැප්පීම් ජිවිතේ හැමතැනම වෙනවා. ඒ වගේම සතුටත් ජිවිතේ තියනවා..

ඕනෑම දෙයක් ඕනවට වඩා ඕනෙම නෑ.

අපි ඔක්කොම ලොකු තරඟයක ඉන්නේ කියලා මම හැමදාම කියනවා. ඉතින් ඒ තරගේ ජයගන්න නම් අපි ලොකු කැපකිරීමක් කරන්න ඕන..

පමණට වඩා දගලන්නේ ඇයි?

ජිවිතේ අපි ලොකු race එකක්. ඒ race ඇතුලේ අපි රැයක් දවාලක් නොබලා හතිදාගෙන දුවනවා, සමහර වෙලාවට දුවලා දුවලා හති වැටිලා බිම..

අඹ කපනකොට අත කැපුනා කියලා කිසිම දවසක අඹ නොකප ඉන්න එපා.

අපි ඉපදුන දවසේ ඉදල දවසේ ඉදල හැමදාම ඉගන ගන්නවා. මැරෙනකන් කරන්නේ ඉගන ගන්න එක. පුංචි කාලේ ඉදල කරන්නේ ඉගෙන ගන්න..



Copyright © 2016. All Rights Reserved. Designed and Developed by TNLRN Online