තවත් බාලගිරි දෝෂයක්?

1987 වසරේදී ඉන්දු ලංකා ගිවිසුම යටතේ ඇතිකර ගත් 13 වන ව්‍යවස්ථා සංශෝධනයෙන් අපේ රටට හඳුන්වාදුන් ප්‍රධානතම සාධකය තමයි පළාත් සභා ක්‍රමය. යම් තාක් දුරකට හෝ බලය බෙදීමක් මෙහිදී සිදුවෙනවා. පළාත් සභා යටතේ පාලනය වන පාසල් / රෝහල් බිහිවෙන්නේත් මේ අනුවයි. හැබැයි පළාත් සභාවලට ඉඩම් සහ පොලිස් බලතල දීම ගැන තවමත් තියෙන්නේ පරස්පර මතවාදයක්. මොකද ඒකීය ශ්‍රී ලංකාවක් කියන සංකල්පය එහිදී බිඳෙනවා කියලයි ඇතමුන් චෝදනා කරන්නේ. පළාත් සභා බිහි කරද්දි ඊට විරුද්ධ වුණු ඇතැමුන් අදටත් පළාත් සභා මන්ත්‍රීවරු ලෙස පත්වෙලා යහමින් ඉන්න ආකාරයකුත් අපිට දකින්න පුලුවන්.
 
අද අපිට පළාත් සභා ගැන කථා කරන්න සිද්ධ වුණේ පළාත් සභා මැතිවරණය කල් යනවා කියන කසුකුසුව නිසා. 
 
පසුගිය ආණ්ඩුවට තිබුණු ප්‍රධානතම චෝදනාවක් තමයි කෑලි කෑලි ක්‍රමයට ඡන්දය තියනවා කියන එක. විශේෂයෙන් පළාත් සභා නවයේ මැතිවරණය කවදාවත් එක දිනයක තිබුණේ නැහැ. කොටස් වශයෙන් තමයි ඡන්ද විමසීම් පැවැත්වුවේ. මේ ක්‍රමයේදී කාලය / ශ්‍රමය විතරක් නෙවෙයි වැයවන මුදලත් ඉතාම අධිකයි. ඒ වගේම මැතිවරණ ප්‍රචණ්ඩ ක්‍රියා වැඩිවෙන්නත් මේ සලාක ක්‍රමයට මැතිවරණ පැවැත්වීම හේතුවක් උනා. මේ සියල්ලට විසඳුමක් හැටියට තමයි වත්මන රජය පළාත් සභා මැතිවරණ ක්‍රමයට සංශෝධන ගෙන ආවේ.
 
සියළු පළාත් සභා මැතිවරණ එක දිනකදී පැවැත්වීම සදහා 20 ආණ්ඩුක්‍රම ව්‍යවස්ථා සංශෝධන කෙටුම්පත / 1988 අංක 2 දරණ පළාත් සභා ඡන්ද විමසීම පනත් කෙටුම්පත පාර්ලිමේන්තු අනුමැතිය සදහා ඉදිරිපත් කිරීමට ඇමති මන්ඩල අනුමැතිය හිමි වුණා. අග්‍රාමාත්‍ය රනිල් වික්‍රමසිංහ මහතා විසින් මෙම යෝජනාව කැබිනට් මණ්ඩලයට ඉදිරිපත් කරන ලද අතර ඊට අනුමැතියද හිමිවුණා. 
 
මේ පණත් කෙටුම්පත පසුගියදා ගැසට් මගින් ප්‍රකාශයට පත් කෙරුණා. ඒකේ තියෙන ප්‍රධානම ලක්ෂණය තමයි සියලුම පළාත් සභාවල ඡන්දය එකම දිනයක පැවැත්විය යුතුයි කියන එක. හැබැයි මෙතනදි ප්‍රශ්නයක් මතුවෙනවා. ඒ තමයි නැගෙනහිර / උතුරුමැද සහ සබරගමුව පළාත් සභාවල නිල කාලය ලබන මාසයෙන් අවසන් වෙනවා. අන්තිමට පළාත් සභා ඡන්දය තියපු ඌව පළාතේ නිල කාලය ඉවර වෙන්නේ 2019 අවුරුද්දේ ඔක්තෝබර් වල. ඒ කියන්නේ ලබන මාසේ නිල කාලය ඉවර වෙන පළාත් සභා තුනේ ඡන්දයත් 2019 දක්වා වසර 2 කින් වගේ කල් යනවා කියන එක.
 
ශ්‍රී ලංකා ආණ්ඩුක්‍රම ව්‍යවස්ථාවේ 20 වන සංශෝධනය ලෙසින් ජුලි 28 වන දා ප්‍රකාශයට පත් කර ඇති මෙම ගැසට් පත්‍රය නිකුත් කර ඇත්තේ අගෝස්තු 03 වන දාතමින්. ඒ අනුව සියලුම පළාත් සභාවල නියෝජිතයන් එකම දිනයකදී තෝරා ගැනීමට යෝජනා කර ඇති අතර, අදාළ දිනය පාර්ලිමේන්තුව මගින් තීරණය කරනු ලබන බවයි එම ගැසට් නිවේදනයේ දැක්වෙන්නේ. සියලුම පළාත් සභා එකම දිනයකදී විසුරුවා හැරීම ද මේ අනුව සිදුවනවා. එම දිනය අවසන් වරට ව්‍යවස්ථාපිත පළාත් සභාවේ කාලසීමාව නිම වන දිනය නොඉක්මවිය යුතු බවයි අදාළ ගැසට් පත්‍රයේ දැක්වෙන්නේ.
 
පළාත් සභා විසුරුවීමට අදාළ වගන්තියක් ද එම ගැසට් පත්‍රයේ දක්වා ඇති අතර, සියලුම පළාත් සභා විසුරුවා හැරෙන දිනයට ප්‍රථම නිල කාලය අවසන් වන පළාත් සභාවල එම නිළ කාලය අදාළ දිනය දක්වා දීර්ඝ කෙරෙනු ඇති. එම පළාත් සභා අදාළ දිනයේදී විසුරුවා හැරීම හෝ ඒවායේ නිළ කාලයය අදාළ දිනය දක්වා දීර්ඝ කිරීමටයි ආණ්ඩුක්‍රම ව්‍යවස්ථාවේ 20 වන සංශෝධනයෙන් යෝජනා කර ඇත්තේ.
 
නිළ කාලසීමාව අවසන් වන සබරගමුව, උතුරුමැද සහ නැගෙනහිර පළාත් සභා සඳහා නාම යෝජනා කැදවීම ලබන ඔක්තෝම්බර් 2 වන දා ප්‍රකාශයට පත් කිරීමට හැකි වනු ඇති බවයි මැතිවරණ කොමිසමේ සභාපති මහින්ද දේශප්‍රිය මීට පෙර ප්‍රකාශ කළේ. ඒ අනුව ලබන ජනවාරි මාසයට පෙර පළාත් සභා මැතිවරණ පැවැත්විය හැකි බව ඔහු සඳහන් කළා. කෙසේ නමුත්, ආණ්ඩුක්‍රම ව්‍යවස්ථාවේ 20 වන සංශෝධනය සමඟ එම පළාත් සභාවල මැතිවරණ ද එකම දිනයකදී පැවැත්වීමට සිදුවන නිසා එම මැතිවරණ කල් යනු ඇති.
 
අද එෆ් බී පොලිටික්ස්වලදී අපි කථා කලේ පළාත් සභා මැතිවරණ එකම දිනයක තියන එක හොඳද නරකද කියලා. හැමෝම වගේ කිව්වේ ඒක හොඳයි හැබැයි පුලුවන් ඉක්මණින් ඡන්දය තියන්න කියලයි.


වමනය ගිය පමණින් ගැබිණියක් වනවාද?

පාසල් ශිෂ්‍ය ශිෂ්‍යාවගෙන් විටින් විට වැරදි සිදු වන්නේය. ගුරු වරන් ඔවුනට දඩුවම් ලබා දෙන්නේ ඔවුන් ගේ වැරදි නිවැරදි කර ගැනීමටය..

ක්‍රිකට් ගහන්න මරු කටට යනවාද? නැද්ද?

දිගින් දිගටම ලබපු පරාජයන්වලට තිත තියලා ශ්‍රී ලංකා ක්‍රිකට් කණ්ඩායම ඔන්න පකිස්ථානයට එරෙහි එක්දින තරගාවලියට පිවිසුණා..

බදු නොගෙවන වෛද්‍යයවරු

රජයකට, රටකට අවශ්‍යය කටයුතු කාරණා නිසි ආකාරව ඉෂ්ට සිද්ධ කිරීමටනම් අති විශාල මුදලක් අවශ්‍ය වන බව නොරහසකි. එම නිසා සෑම..

හොඳින් නැතුව නරකින් ජාත්‍යන්තරය දිනන අපි

ඉස්සර අපිට ලාංකිකයෝ ගැන අහන්න ලැබුණේ රට ඇතුලේ හරි රටින් පිටතදී හරි සම්බන්ධවෙන පුද්ගල ඝාතන / කොල්ලකෑම් වගේ අපරාධ ගැන..

නිරුවත නැතිව මියුසික් වීඩියෝ හදන්නම බැරිද?

කලාව කියලා කියන්නේ කවුරුත් කැමති දෙයක්. එයිනුත් සංගීතයට හිමිවෙන්නේ සුවිශේෂී තැනක්. කථාවට කියන්නේ සංගීතය කියලා කියන්නේ..

මාසෙට වියදම ලක්ෂයයි / සුපිරි වැඩිහිටි නිවාසයේ විස්තර මෙන්න

ඔක්තෝබර් කියලා කියන්නේ ජත්‍යන්තර දින විශාල වශයෙන් සැමරෙන මාසයක්. මේ මාසයේ පළමු දිනයම වෙන් කරලා තියෙන්නේ ළමුන්...

පනින්න පෙර කියවා බලනු

ප්‍රශ්න හමුවේ සියදිවි හානි කර ගන්නේ නම් ලෝකයම මේ වන විට සුසාන භූමියක් වනු නොඅනුමානය. මන්ද ප්‍රශ්නක් නැති මිනිසුන් ලොව..

අත පෑවොත් පන්දාහයි බස්රථ වල සිගාකෑමට එරෙහිව දඩ

අපේ රටේ සාමාන්‍ය ජනතාවගේ පොදු ප්‍රවහාන සේවාව ලෙස හදුන්වන්නේ බොහෝ දුරට බස්රථයයි.එදිනෙදා තම දෙෙනික අවශ්‍යතාවයන් සම්පුර්ණ...

ඔයත් BMICH එකේ BOOK FARE ගියාද?

කියවීම මිනිසා සම්පුර්ණ කිරීම බොහෝ කාලයක සිට අප අසා ඇති කියමනක් වුවත් වර්තමාන සමාජ ආර්ථික ක්‍රමය මගින් කියවීමට තරම් ඉඩකඩක්..



Copyright © 2016. All Rights Reserved. Designed and Developed by TNLRN Online